Լիսաբոնում նշվեց Գալուստ Գյուլբենկյանի օրը

20 հուլիսի, 2022

Հուլիսի 20-ին Գալուստ Գյուլբենկյան հիմնադրամի հոգաբարձուների խորհրդի հրավերով Պորտուգալիայում ՀՀ դեսպան Կարեն Նազարյանը մասնակցեց հայազգի մեծ բարերարի օրվան նվիրված արարողությանը, որի ընթացքում կատարումներով հանդես եկավ Գյուլբենկյան նվագախումբը։ Միջոցառմանը ներկա էին Պորտուգալիայի ներկա և նախկին նախագահները, երկրում հավատարմագրված օտարերկրյա դիվանագիտական ներկայացուցչությունների ղեկավարներ, մշակույթի ոլորտի, քաղհասարակության ներկայացուցիչներ, հեղինակավոր ու ճանաչված հանրային գործիչներ, լրագրողներ և այլոք։ Երեկոյի ընթացքում ելույթ ունենալով Պորտուգալիայի նախագահ Մարսելու Ռեբելու դե Սոուզան կարևորեց հիմնադրամի դերը գիտության, կրթության, մշակույթի բնագավառները հեղափոխելու և հետազոտության ու նորարարության ոլորտներում նոր հորիզոններ բացելու հարցում։

Ավանդույթի համաձայն Գալուստ Գյուլբենկյանի օրվա առթիվ Լիսաբոնի Ֆաթիմայի Տիրամայր եկեղեցում մատուցվել է Ս․ Պատարագ՝ Արևմտյան Եվրոպայի հայրապետական պատվիրակ Տ․ Խաժակ արք․ Պարսամյանի մասնակցությամբ։ Միջոցառման շրջանակում Սրբազան հայրը և ՀՀ դեսպանը միասին այցելել են Գյուլբենկյան թանգարանում խնամքով պահպանվող 20-րդ դարի խոշորագույն հայ նկարիչ Արշիլ Գորկու գծանկարների ցուցադրությանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր