Հռոմի Պապը փխրուն հրադադարը պահպանելու և Շուշիի տաճարի վրա հարձակման մասին

11 հոկտեմբերի, 2020

Հոկտեմբերի 11-ին Ն․Ս․ Ֆրանցիսկոս Պապը Սրբ․ Պետրոսի հրապարակում հազարավոր հավաքվածների ասել է․ «Ողջունում եմ Հայաստանի և Ադրբեջանի միջև հումանիտար նպատակներով ձեռքբերված հրադադարի պայմանավորվածությունը՝ հարատև խաղաղությանը հասնելու համար: Չնայած որ հրադադարը շատ փխրուն է, խրախուսում եմ այն պահպանել և իմ ցավն եմ հայտնում մարդկային կորուստների, զրկանքների, ինչպես նաև նրանց տները և պաշտպանմունքի վայրերը ավիրելու համար: Աղոթում և ձեզ էլ խնդրում եմ աղոթել նրանց համար, ում կյանքերն այս պահին վտանգված են»:

Ինչպես հայտնի է, հոկտեմբերի 8-ին Արցախի մշակութային մայրաքաղաք Շուշիի կենտրոնում գտնվող Սուրբ Ամենափրկիչ Ղազանչեցոց Մայր տաճարին Ադրբեջանի զինված ուժերի օդային հարվածները խստորեն դատապարտել էր ՀՀ արտաքին գործերի նախարարությունն ու հիշեցրել, որ հրեշավոր այդ հարձակումը պատերազմական հանցագործություն է։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր