ՀՀ դեսպանն իր հավատարմագրերը հանձնեց Պորտուգալիայի նախագահին

09 դեկտեմբերի, 2019

Դեկտեմբերի 9-ին Պորտուգալական Հանրապետությունում Հայաստանի Հանրապետության ոչ ռեզիդենտ դեսպան Կարեն Նազարյանն իր հավատարմագրերը հանձնեց Պորտուգալիայի նախագահ Մարսելու Նունո Դուարտե Ռեբելու դե Սոուզաին։

Պաշտոնական արարողությանը հետևած հանդիպմանը դեսպան Նազարյանը Պորտուգալիայի պետության ղեկավարին փոխանցեց ՀՀ նախագահի և վարչապետի ողջույններն ու հավաստիացրեց, որ կգործադրի առավելագույն ջանքերը միջպետական հարաբերությունները որակական նոր մակարդակի բարձրացնելու համար։

Նախագահ Մարսելու Ռեբելու դե Սոուզան հաջողություն մաղթելով դեսպանին խնդրեց իր ջերմ ողջույնները փոխանցել հայ ժողովրդին և ՀՀ ղեկավարությանն ու մեծապես կարևորեց աշխարհահռչակ պորտուգալահայ Գալուստ Գյուլբենկյանի անունը կրող հիմնադրամի գործունեությունը երկկողմ կապերի ամրապնդման գործում։

Պարտուգալիայի նախագահի նստավայր՝ ազգային Բելեմ պալատում կայացած արարողությանը ներկա էին պորտուգալացի բարձրաստիճան պաշտոնատարներ, այդ թվում՝ Եվրոպական հարցերով պետական քարտուղար Անա Պաուլա Զաքարիասը, ԱԳՆ գլխավոր քարտուղար Ալվարո Մենդոնսա է Մուրայը, նախագահի աշխատակազմի ներկայացուցիչները։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր