Դեսպան Նազարյանի այցը Գալուստ Գյուլբենկյան հիմնադրամ

07 դեկտեմբերի, 2019

Լիսաբոնում տեղակայված «Գալուստ Գյուլբենկյան» հիմնադրամում տեղի ունեցավ դեսպան Կարեն Նազարյանի հանդիպումը հիմնադրամի հոգաբարձուների խորհրդի նախագահ՝ Իզաբել Մոտայի հետ, որին մասնակցել է նաև հիմնադրամի հայ համայնքների բաժանմունքի տնօրեն Ռազմիկ Փանոսյանը։

Դեսպանը մեծապես կարևորեց 2019թ․-ին անվանի հայորդու՝ Գալուստ Գյուլբենկյանի 150-ամյակի տոնակատարությանը նվիրված միջոցառումների անցկացումը, հույս հայտնելով, որ դրանք իրենց շարունակությունը կունենան Հայաստանում և սփյուռքում կրթական, հայագիտական, գիտահետազոտական և բարեգործական ծրագրերի ընդլայնման նպատակով։

Ողջունելով նորանշանակ դեսպանին Իզաբել Մոտան հաստատության անունից պատրաստակամություն հայտնեց ապագա համագործակցության համար՝ նպատակ ունենալով նպաստել հայ և պորտուգալացի ժողովուրդների միջև միջանձնային շփումների ու երկկողմ հարաբերությունների զարգացման ուղղությամբ դեսպանի կողմից գործադրվող ջանքերին։

Կ․Նազարյանը Գյուլբենկյան թանգարանին նվիրեց ՀՀ Կենտրոնական բանկի կողմից աշխարհահռչակ գործարարի և բարեգործի ծննդյան հոբելյանական տարվա առթիվ թողարկած ոսկյա հուշադրամը, իսկ դեկտեմբերի 7-ին մասնակցեց հիմնադրամում բացված մեծ հային նվիրված ցուցասրահում տոնակատարության տարվա փակման համերգին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր