Դեսպան Նազարյանի հանդիպումը Պորտուգալիայի ԱԳՆ գլխավոր քարտուղար Մենդոնսա Է Մուրայի հետ

06 դեկտեմբերի, 2019

Ս․թ․ դեկտեմբերի 6-ին Պորտուգալիայում ՀՀ դեսպան Կարեն Նազարյանը (նստավայրը՝ Հռոմ) իր հավատարմագրերի պատճեն ներկայացրեց Պորտուգալական Հանրապետության ԱԳՆ գլխավոր քարտուղար Ալվարո Մենդոնսա է Մուրային (Alvaro Mendonca e Mura)։

Հանդիպանը ՀՀ դեսպանը կարևորեց քաղաքական երկխոսությունն առաջ մղելու նպատակով երկու երկրների գործադիր իշխանությունների միջև բարձրաստիճան և աշխատանքային այցերի, խորհրդարանական և գործարար շրջանակների միջև շփումների իրականացումը, այդ թվում օգտագործելով բազմակողմ դիվանագիտության հարթակները։

Մենդոնսա Է Մուրան պատրաստակամություն հայտնեց օժանդակել ՀՀ ոչ ռեզիդենտ դեսպանին իր գործառույթների արդյունավետ իրականացման հարցում հավաստելով Պորտուգալիայի արտաքին գերատեսչության համակողմանի աջակցությունը։

Մենդոնսա է Մուրայի խնդրանքով Նազարյանը ներկայացրեց Հայաստանում տեղի ունեցող բարեփոխումների ընթացքը, տարածաշրջանային, ԼՂ կարգավորման գործընթացի վերջին զարգացումներն ու այդ առթիվ հայկական կողմի մոտեցումները։

Նույն օրը Լիսաբոնում տեղի ունեցան դեսպան Նազարյանի հանդիպումները Պորտուգալիայի ԱԳՆ պաշտոնատարների հետ, որոնց ընթացքում զրուցակիցներն անդրադարձան երկկողմ առևտրատնտեսական ու ոլորտային բնագավառներում, միջազգային կառույցների շրջանակներում համագործակցության զարգացմանը, ՀՀ-ԵՄ հարաբերությունների ընթացքին, ինչպես նաև երկկողմ հետաքրքրություն ներկայացնող այլ հարցերին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր