ՀՀ դեսպանի հանդիպումը Պորտուգալիայի խորհրդարանի արտաքին հարցերով և պորտուգալական համայնքների հանձնաժողովի նախագահի հետ

13 հունվարի, 2026

2026թ. հունվարի 13-ին, Պորտուգալիայի Հանրապետությունում Հայաստանի Հանրապետության դեսպան Բորիս Սահակյանը հանդիպել է Պորտուգալիայի խորհրդարանի արտաքին հարցերով և պորտուգալական համայնքների հանձնաժողովի նախագահ Պրն. Ժոզե Սեզարիոյի հետ:

Զրուցակցիներն ընդգծել են խորհրդարանական դիվանագիտության դերը երկկողմ օրակարգի առաջմղման գործում՝ այս համատեքստում կարևորելով երկու երկրների խորհրդարաններում գործող բարեկամական խմբերի արդյունավետ համագործակցությունը:

ՀՀ դեսպանը ընդգծել է, որ Հայաստանը հետևողականորեն շարունակում է ժողովրդավարական զարգացմանն ուղղված հավակնոտ բարեփոխումները:

Հանդիպման ընթացքում դեսպանը ներկայացրել է վաշինգտոնյան Խաղաղության գագաթաժողովի արդյունքները, Հայաստան-Եվրամիություն ռազմավարական օրակարգի գործընկերության ձեռքբերումները:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր