Շնորհալիին նվիրված միջազգային համաժողով Վատիկանի արևելագիտության ինստիտուտում

30 նոյեմբերի, 2023

Նոյեմբերի 30-ի առավոտյան Արևելագիտության քահանայապետական ինստիտուտում (ԱՔԻ) տեղի ունեցավ Սուրբ Ներսես Շնորհալիին նվիրված միջազգային համաժողովի բացումը։ «Սուրբ Ներսես Շնորհալին հազարամյակների հանգուցակետում» խորագրով երկօրյա համաժողովին մասնակցում են Սուրբ Աթոռի բարձրաստիճան պաշտոնյաներ, Հայաստանից և տարբեր երկրներից ժամանած միջազգային հեղինակավոր հայագետներ, առաջատար համալսարանների պրոֆեսորներ, հայաստանյայց և կաթոլիկ եկեղեցիների հոգևոր դասի ու ակադեմիական շրջանակների ներկայացուցիչներ, ԱՔԻ ռեկտորը, դեկանը, դասախոսներ, լրագրողներ։

Ողջունելով մասնակիցներին ՀՀ դեսպան Կարեն Նազարյանն իր ելույթում կարևորել է Գյուլբենկյան հիմնադրամի աջակցությամբ անցկացվող համաժողովը, որը «Հայաստանը դարձնում է տեսանելի և լսելի փոթորքոտ այս ժամանակաշրջանում» ու հավելել, որ «մեծ կարևորություն է տրվում այս միջոցառմանը ներկայիս աշխարահաքաղաքական զարգացումների, հակամարտությունների և պատերազմների համատեքստում, որոնք սպառնում են տարբեր ժողովուրդների խաղաղ գոյակցությանը, վտանգում նրանց հոգևոր ու մշակութային ժառանգությունը, հատկապես Լեռնային Ղարաբաղում, Մերձավոր Արևելքում», և որ այդ ժառանգությունը կարող է պաշտպանել միայն դրան հաղորդակից ժողովուրդը, որը հանձնառու է պահպանել այն որպես իր կյանքի անբաժանելի մաս՝ ապրելով իր պատմական հայրենիքում»։

Դեսպանի ելույթն ամբողջությամբ՝ այս հղումով։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր