Հռոմի Պապի անդրադարձը ԼՂ-ում անմարդկային պայմանների վերաբերյալ

29 հունվարի, 2023

Հունվարի 20-ին Հռոմի քահանայապետ Ն․Ս․ Ֆրանցիսկոսը կրկին անգամ իր մտահոգությունը հայտնեց Ադրբեջանի կողմից Լաչինի միջանցքի անօրինական արգելափակման վերաբերյալ՝ հայտարարելով, որ «Վերահաստատում եմ իմ կոչը Հարավային Կովկասում Լաչինի միջանցքում տիրող մարդասիրական ծանր իրավիճակի առնչությամբ։ Իմ մտերմությունն եմ հայտնում բոլոր նրանց, ովքեր ձմռան կեսին ստիպված են դիմակայել այս անմարդկային պայմաններին։ Անհրաժեշտ է միջազգային մակարդակով գործադրել բոլոր ջանքերը՝ մարդկանց բարօրության համար խաղաղ լուծումներ գտնելու նպատակով»։

Այս ուղերձը Հռոմի Պապը հնչեցրեց կեսօրին Սուրբ Պետրոս հրապարակում հավաքված բազմահազար հավատացյալների առջև։ Որպես ավանդույթ քահանայապետը Անջելուս Դոմինի կիրակնօրյա աղոթքից հետո հանդես է գալիս միջազգային մտահոգիչ հիմնախնդիրների առնչությամբ, ինչը հեռարձակվում է ռադիո և հեռուստատեսությամբ ու լայնորեն լուսաբանվում սոցիալական ցանցերի միջոցով։ Լաչինի միջանցքի հումանիտար հետևանքներին Հռոմի Պապն անդրադարձել էր նաև անցյալ տարվա դեկտեմբերի 18-ին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր