Հայ հոգևորականների այցը դեսպանություն

21 հունիսի, 2022

Հունիսի 21-ին Սուրբ Աթոռում ՀՀ դեսպանություն այցելեցին բարձրաստիճան հայ հոգևորականները՝ Վատիկանում Հայ առաքելական եկեղեցու ներկայացուցիչ արք․ Խաժակ Պարսամյանի ուղեկցությամբ։ Վերջիններիս խնդրանքով դեսպան Կարեն Նազարյանը ներկայացրեց Հայաստան-Սուրբ Աթոռ շարունակական զարգացում ապրող միջպետական կապերը, դրանց ընթացքն ու այդ առումով կարևորեց հայաստանյայց և կաթոլիկ եկեղեցիների միջև հաջողությամբ ընթացող երկխոսությունը։ Հանդիպմանը դեսպանը խոսեց Լեռնային Ղարաբաղի հակամարտության կարգավորման գործընթացի մասին և հյուրերի խնդրանքով ներկայացրեց տարածաշրջանային զարգացումների առնչությամբ պաշտոնական Երևանի դիրքորոշումները։

Մայր Աթոռ Ս․ Էջմիածնի, Մեծի Տանն Կիլիկիո և Տանն Կիլիկիո Կաթողիկե Հայոց կաթողիկոսությունների ներկայացուցիչները Վատիկան էին ժամանել Արևելյան ուղղափառ և Հռոմի կաթոլիկ եկեղեցիների միջև աստվածաբանական հարցերին նվիրված միջազգային համատեղ հանձնաժողովի աշխատանքներին մասնակցելու համար և այդ շրջանակում նաև հանդիպել Ֆրանցիսկոս Պապին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր