ՀՀ աշխատանքի և սոցիալական հարցերի նախարարի հանդիպումները Հռոմում

15 հունիսի, 2022

Հռոմում անցկացվող ՄԱԿ-ի ծերացման հարցերով նախարարական համաժողովի շրջանակներում ՀՀ աշխատանքի և սոցիալական հարցերի նախարար Նարեկ Մկրտչյանը՝ Սուրբ Աթոռում ՀՀ դեսպան Կարեն Նազարյանի ուղեկցությամբ հանդիպումներ է ունեցել հայ կաթողիկե եկեղեցու ու հաստատությունների ներկայացուցիչների հետ։ Մասնավորապես, հունիսի 15-ին նախարար Մկրտչյանն այցելել է Քահանայապետական Լևոնյան հայ վարժարան և Ս․ Նիկողայոս եկեղեցի ու հանդիպել վարժարանի տնօրեն Հ․ Նարեկ ծ․ վրդ․ Նամոյանին։ Նույն օրը նախարարի պատվիրակությունն Անարատ Հղության հայ քույրերի միաբանությունում հանդիպել է միաբանության ընդհանուր մեծավորուհի Մ․ Արուսյակ Սաճոյանի հետ։

Հանդիպումներին նախարարը ներկայացրել է սոցիալական պաշտպանության ոլորտում ՀՀ կառավարության կողմից իրականացվող ծրագրերն ու առաջնահերթություններն ու կարևորել տվյալ բնագավառում սփյուռքյան կառույցների հետ ջանքերի մեկտեղումը և համագործակցությունը։ Նախարարը բարձր է գնահատել միաբանության երկարամյա գործունեությունը՝ ուղղված կյանքի դժվարին իրավիճակում հայտնված հայրենակիցների սոցիալական հիմնախնդիրների հասցեագրմանը։

Այցի շրջանակներում նախարարն այցելել է նաև Վատիկան, Սուրբ Աթոռում ՀՀ դեսպանություն, հանդիպել հայ առաքելական Ս. եկեղեցու ներկայացուցիչ Տ․ Խաժակ արք․ Պարսամյանին, հարցազրույցներ տվել «Վատիկան Նյուզ» օրաթերթի հայկական բաժնին և «Խաղաղության ձայն» հեռուստածրագրին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր