Անարատ Հղության Հայ Քույրերի միաբանության հիմնադրման 175-ամյակի առթիվ ՀՀ դեսպանի ուղերձը

05 հունիսի, 2022

Հունիսի 5-ին Հռոմում նշվեց Անարատ Հղության Հայ Քույրերի միաբանության հիմնադրման 175-ամյակը։ Այս առթիվ Սուրբ Աթոռում ՀՀ դեսպան Կարեն Նազարյանն իր երախտիքն է հայտնել միաբանության ընդհանուր մեծավորուհի Մ. Արուսյակ Սաճոյանին և նվիրյալ մյուս քույրերին՝ հայրենիքում և սփյուռքյան համայնքներում կրթության ու հայեցի դաստիարակության բնագավառներում իրականացվող բարեգործությունների համար։ Դեսպանը կարևորել է միաբանության գործունեությունը, մասնավորապես մի ժամանակաշրջանում, երբ ամոքված չեն Արցախին պարտադրած պատերազմի վերքերն ու ամբողջովին հաղթահարված չեն դրա հումանիտար հետևանքները։

Կ․Նազարյանն իր ուղերձում ընդգծել է միաբանության ու դեսպանության միջև տարիներ ի վեր ստեղծված ջերմ և ամուր համագործակցությունը, որը շարունակում է զարգանալ՝ ի շահ Հայաստան-Սուրբ Աթոռ հարաբերությունների, որոնք այս օրերին թևակոխեցին իրենց երեսունամյա հոբելյանը, ու մաղթել, որ միաբանության լուսավոր առաքելությունը հարատևի՝ ի բարօրություն հայ ժողովրդի կարիքավոր զավակների։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր