Դեսպան Նազարյանի այցը Մադեյրա

23 մարտի, 2022

Մարտի 23-ին ՀՀ դեսպան Կարեն Նազարյանը Մադեյրայում հանդիպեց Պորտուգալական ասամբլեայի (2015-2019թթ․) անդամ Ռուբինա էվերլեյն Բերարդոյին, ում նախաձեռնությամբ դեռևս 2019թ․ ապրիլին Պորտուգալիայի խորհրդարանը Հայոց ցեղասպանության հարցում արտահայտեց հստակ դիրքորոշում։

Մադեյրայի օրենսդրական մարմնում տեղի ունեցած արարողությանը, որին ներկա էին խորհրդարանի նախագահը, փոխնախագահները և բոլոր խմբակցությունների ղեկավարները, դեսպանը Հայաստանի Հանրապետության նախագահի ու կառավարության անունից տիկին Բերարդոյին հանձնեց երախտագիտության մեդալն ու կարևորեց բարեկամական հարաբերությունների զարգացման, ինչպես նաև համամարդկային արժեքների պաշտպանության գործում վերջինիս ներդրած ավանդը` իր ելույթում հավելելով, որ հիշողությունը ժողովուրդների հաշտեցման և մարդկության հիմնարար արժեքների պաշտպանության կարևոր տարրն է։

Պորտուգալիայի այս ինքնավար տարածաշրջան կարճատև այցի ընթացքում դեսպանը հանդիպումներ է ունեցել ինչպես Մադեյրայի օրենսդիր խորհրդարանի ու կառավարության նախագահների, այնպես էլ կրթության, գիտության ու տեխնոլոգիաների քարտուղարի և կաթոլիկ եկեղեցու եպիսկոպոսի հետ։ Կ․Նազարյանն իր զրուցակիցների հետ քննարկել է ապակենտրոնացված համագործակցության հնարավորությունները, ներկայացրել Հայաստանում, Արցախում ու նրանց շուրջ տեղի ունեցող զարգացումները։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր