Արամ Ա կաթողիկոսն այցելեց Սուրբ Աթոռում ՀՀ դեսպանություն

01 հուլիսի, 2021

Ս․թ․ հուլիսի 1-ին Մեծի Տանն Կիլիկիո Արամ Ա կաթողիկոսն այցելեց Սուրբ Աթոռում ՀՀ դեսպանություն։ Ողջունելով Վեհափառին դեսպան Կարեն Նազարյանը կարևորեց Հայաստանի և Արցախի անվտանգության ու զարգացման հարցերում հայության համախմբումն ու Սփյուռքի ներգրավումը։ Մտքեր փոխանակվեցին Արցախյան պատերազմի հետևանքով ստեղծված հումանիտար հարցերի հասցեագրման անհրաժեշտության ու այդ գործընթացում հոգևոր առաջնորդների ու հայ եկեղեցու դերակատարման շուրջ։ ՀՀ դեսպանը Ն․Ս․Օ․Տ․Տ․ Արամ Ա-ին շնորհակալություն հայտնեց հայ-վատիկանյան հարաբերությունների ընդլայնման հարցում շարունակական աջակցության համար։

Մեծի Տանն Կիլիկիո կաթողիկոսը Վատիկանում մասնակցում էր Լիբանանի քրիստոնյա համայնքների հովվապետերի խորհրդակցությանը, որն ավարտվեց Ս․Պետրոս տաճարում Հռոմի Պապի, Սուրբ Աթոռի բարձրաստիճան ու դիվանագիտական կորպուսի ներկայացուցիչների մասնակցությամբ եկեղեցական արարողությամբ։ Արամ կաթողիկոսի կողմից արարողությանը հայերենով հնչեց Նարեկացու Մատյան Ողբերգությունից «Որդի կենդանի Աստծո» աղոթքը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր