Հռոմի Պապի «այց առաջին քրիստոնյա երկիր». դեսպան Նազարյանի հարցազրույցը EWTN News-ին

28 հունիսի, 2021

Ֆրանցիսկոս Պապի Հայաստան այցի 5-ամյակի առթիվ Սուրբ Աթոռում ՀՀ դեսպան Կարեն Նազարյանը ս․թ․ հունիսի 28-ին մասնակցել է Վաշինգտոնի ստուդիայից հեռարձակվող EWTN News-ի երեկոյան ծրագրին։

Հարցազրույցի ընթացքում դեսպանը խոսել է Ֆրանցիսկոս Պապի Հայաստան այցի տպավորությունների, հիշարժան պահերի մասին, որոնք շարունակվում են վառ մնալ աշխարհով մեկ սփռված հայերի մտքերում և սրտերում։ ՀՀ դեսպանն առանձնակիորեն կարևորել է հայությանը հուզող հարցերի հանդեպ Ֆրանցիսկոս Պապի մշտական հոգածությունն ու առանձնացրել 2015թ․ ապրիլին Ս․ Պետրոս տաճարում մատուցած պատարագի և 2016թ․ հունիսին Հայաստան այցի ընթացքում և հետո նրա կողմից հնչեցրած ուղերձներն առ այն, որ մարդկությանը պատուհասած զանգվածային ոճիրը՝ Հայոց ցեղասպանությունը պատմական փաստ է և անհերքելի իրողություն։ Կ․Նազարյանը նաև խոսել է քահանայապետի Հայոց ցեղասպանության թանգարան-ինստիտուտի պատվո այցելուների գրքում արված գրառման մասին, որում ասվում է «․․․Հիշողությունը խաղաղության և ապագայի աղբյուրն է»։

Դեսպանի հարցազրույցն ամբողջությամբ կարելի է դիտել այստեղ:

EWTN-ը համաշխարհային կաթոլիկ ցանց է, որի 11 գլոբալ հեռուստակայանները բազմաթիվ լեզուներով շուրջօրյա հեռարձակվում են 145 երկրներում 350 միլիոն բաժանորդների համար։ EWTN-ը նաև ներառում է ԱՄՆ-ի ամենատարածված կաթոլիկ կայքէջերը, լրատվական ծառայությունները, այդ թվում՝ Catholic News Agency-ին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր