ՍՈՒՐԲ ԱԹՈՌՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԴԵՍՊԱՆՈՒԹՅԱՆ ՀԱՅՏԱՐԱՐՈՒԹՅՈՒՆ

11 մարտի, 2020

Սիրելի հայրենակիցներ,

Տեղեկացնում ենք, որ Սուրբ Աթոռն իր քայլերը համադրելով Իտալական Հանրապետության իշխանությունների հետ, ձեռնարկել է COVID-19 նոր տիպի կորոնավիրուսային վարակի տարածումը կանխելու միջոցառումներ, որոնք վերաբերում են Սուրբ Աթոռի տարբեր մարմիններին կամ պետք է իրագործվեն Վատիկան քաղաք-պետության կառավարության կողմից։ Այդ միջոցառումները ներառում են Սուրբ Պետրոս տաճարի և հրապարակի, Վատիկանի, քահանայապետական ամառանոցների ու տաճարների թանգարանների ու թանգարանային կենտրոնների փակումը մինչև ս․թ․ ապրիլի 3-ը։ Այս պահի դրությամբ Վատիկանում հայտնաբերվել է COVID-19 վարակի մեկ դեպք։ Վարակված անձի հետ շփման մեջ գտնված մյուս հինգ անձիք գտնվում են նախազգուշական կարանտինում։

ՀՀ քաղաքացիներին խորհուրդ է տրվում հետևել նաև ՀՀ արտաքին գործերի նախարարության, Իտալիայում ՀՀ դեսպանության և ՀՀ քաղաքացիական ավիացիայի կոմիտեի կայքերի և ֆեյսբուքյան էջերի միջոցով պարբերաբար թարմացվող տեղեկատվությանը և հայտարարություններին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր