Դեսպան Կարեն Նազարյանի հանդիպումը Սանտ’ Էջիդիո համայնքի նախագահի հետ

09 սեպտեմբերի, 2019

Սեպտեմբերի 9-ին Սուրբ Աթոռում ՀՀ դեսպան Կարեն Նազարյանը Հռումում այցելեց Ս. Էջիդիո համայնքի կենտրոնատեղի և հանդիպեց խաղաղասիրական այդ համայնքի նախագահ՝ Մարկո Իմպալյացոյի (Marco Impagliazzo) հետ։

Պրոֆ․ Իմպալյացոն հանդիպմանն անդրադարձ է կատարել Մերձավոր Արևելքում քրիստոնյա համայնքներին բաժին հասած մարտահրավերներին ու դժվարություններին։ Դեպսան Նազարյանն էլ իր հերթին խոսել է սիրիական ճգնաժամի հաղթահարման ուղղությամբ Հայաստանի մարդասիրական ներգրավվածության ձևերի ու ձեռնարկված գործնական քայլերի մասին, որոնք նպատակ ունեն մեղմելու պատերազմի արդյունքում տուժած բնակչության հումանիտար կարիքները։

Զրուցակիցները պատրաստակամություն են հայտնել խորացնելու դեսպանության և համայնքի միջև առկա համագործակցությունը։

Տեղեկանք։ Ս. Էջիդիո քրիստոնյա համայնքը ձևավորվել է 1968թ․-ին Վատիկանի Երկրորդ տիեզերական ժողովից հետո։ Այսօր այն կազմված է 70 երկրներում գործող համայնքների ցանցից և հանդես է գալիս որպես կամավոր, ազատ հանձնառություն՝ աղքատության վերացմանը, խաղաղությանն ու համերաշխությանը հասնելու համար։ Միջազգային խաղաղասիրական այս համայնքը հաջողված միջնորդություններով աջակցել է Մոզանբիկում, Ալժիրում, Կոսովոյում, Լիբերիայում, Հարավային Սուդանում և այլ վայրերում հակամարտությունների կարգավորմանը, շարունակում է հյուրընկալել բանակցություններ տարաձայնություններ ունեցող կողմերի ու քաղաքական խմբերի միջև։ Այդ պատճառով էլ որոշ աղբյուրներ Ս. Էջիդիո համայնքը դիտարկում են որպես Սուրբ Աթոռի «ոչ պաշտոնական» դիվանագիտություն իրականացնողը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր