Հռոմի Պապ Ֆրանցիսկոսի և ԶԼՄ-ների անդրադարձը հայ-ադրբեջանական սահմանին ստեղծված իրավիճակին

19 հուլիսի, 2020

Ս.թ. հուլիսի 19-ին Հռոմի Քահանայապետ Ֆրանցիսկոս Պապը Ս․ Պետրոս հրապարակում տեղի ունեցած կիրակնօրյա Angelus-ի ընթացքում վերահաստատել է համաշխարհային զինադադարի մասին իր կոչն ու մտահոգություն հայտնել կովկասյան տարածաշրջանում վերսկսված զինադադարի խախտումների վերաբերյալ և միջազգային հանրությանը միջնորդելու կոչ արել: Իր խոսքում Հռոմի Պապը մասնավորապես ասել է. «Առանձնահատուկ մտահոգությամբ եմ հետևում անցնող օրերի ընթացքում Կովկասի տարածաշրջանում Հայաստանի և Ադրբեջանի միջև զինված բախումների սրացմանը։ Իմ աղոթքներս եմ ուղղում զոհվածների ընտանիքներին և հուսով եմ, որ միջազգային հանրության հանձնառությամբ և կողմերի միջև բարի կամքի ու երկխոսության միջոցով հնարավոր կլինի գալ երկարատև խաղաղ լուծման»:

Հռոմի Պապի կոչին են անդրադարձել մի շարք իտալական լրատվամիջոցներ, դրանց թվում՝ «Իլ Մեսսաջերո»-ն

(https://www.ilmessaggero.it/mondo/papa_francesco_armenia_turchia_azerbaijan_caucao_guerra_onu_vaticano_angelus-5355627.html),«Իլսուսսիդիարիո» պարբերականը (https://www.ilsussidiario.net/news/papa-francesco-prego-per-guerra-armenia-azerbaigian-cessate-il-fuoco-subito/2050249/) և ուրիշները, մատնանշելով, որ ս․թ․ հուլիսի 12-ին հայ-ադրբեջանական պետական սահմանի որոշ հատվածների վրա հարձակումները նախաձեռնել է ադրբեջանական կողմը, հրետանու և անօդաչու թռչող սարքերի միջոցով՝ թիրախավորելով հայկական բնակավայրերը, ենթակառույցները, տները, նույնիսկ վնասելով Covid-ի դեմ պայքարելու համար դիմակներ արտադրող ընկերությունը: Հոդվածներում նշվում է, որ Էսկալացիան քաղաքական մի շարք պատճառների հետևանք է, ինչպես, օրինակ, Ադրբեջանի նախագահի զանգվածային քարոզչությունը, ով երկրի ներսում պայքարում է համաձայնության աստիճանական կորստի դեմ: Անդրադարձ է կատարվում նաև Մեծամորի ատոմակայանին ադրբեջանական սպառնալիքին, ինչպես նաև Անկարայի «Հայաստանը կվճարի» արտահայտությանը ու մեջբերումներ կատարվում Հռոմի Պապի կիրակնօրյա կոչից (https://www.vaticannews.va/en/pope-francis/angelus.html)։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր