ՏԵՂԵԿԱՏՎՈՒԹՅՈՒՆ, 3.04.2020թ․

03 ապրիլի, 2020

Սուրբ Աթոռն իր քայլերը համադրելով Իտալական Հանրապետության իշխանությունների հետ ձեռնարկել է միջոցառումներ` կանխելու համար COVID-19 նոր տիպի կորոնավիրուսային վարակի տարածումը, որոնք վերաբերում են Սուրբ Աթոռի տարբեր մարմիններին և իրագործվում են Վատիկան քաղաք-պետության կառավարության կողմից։ Այցելուների համար փակ են Սուրբ Պետրոս տաճարը և հրապարակը, Վատիկանի, քահանայապետական ամառանոցների ու տաճարների թանգարաններն ու թանգարանային կենտրոնները։

Իտալիայի ամբողջ տարածքում սահմանված սահմանափակումները

Վարակի տարածումը կանխելու նպատակով միջոցառումների շրջանակներում Իտալիայի ամբողջ տարածքում սահմանված խիստ սահմանափակումները երկարաձգվել են մինչև ս.թ. ապրիլի 13-ը՝ հետագա երկարաձգման հնարավորությամբ: Հիշեցնում ենք, որ գործող սահմանափակումները հետևյալն են.
Կրթական հաստատությունները, բոլոր հասարակական վայրերը, բացառությամբ դեղատների, հիվանդանոցների և սննդի խանութների, փակ կլինեն մինչև ապրիլի 13–ը։
Արգելված են մարդկանց կուտակումները, հետաձգվել են սպորտային, մշակութային և կրթական բոլոր միջոցառումները։
Արգելվում է ցանկացած տրանսպորտային միջոցով դուրս գալ մշտական բնակության վայր հանդիսաացող բնակավայրից՝ բացառությամբ հետևյալ դեպքերի՝

աշխատանքային ակնհայտ պատճառներ
խիստ անհրաժեշտության դեպքեր
առողջության շարժառիթներ

Նոր միջոցառումը չեղարկում է նախորդ սահմանափակումը, որի համաձայն քաղաքացիները կարող էին վերադառնալ իրենց կեցավայր, եթե գտնվում են դրանից դուրս
Բնակավայրի ներսում անձն իր տեղաշարժն ապահովելու նպատակով պետք է լրացնի հատուկ ձևանմուշ և տրամադրի երկրի իրավապահ մարմիններին՝ հիմնավորելով իր տեղաշարժի անհրաժեշտությունը։ Իտալիայի տարածքում գտնվող օտարերկրյա անձանց թույլատրվում է վերադառնալ իրենց բնակության վայրերը
Թույլատրվում են երեխաների (1 ծնողի ուղեկցությամբ), տարեցների, հաշմանդամների (1 խնամողի ուղեկցությամբ) և ընտանի կենդանիների հետ կարճատև զբոսանքները կեցավայրի շրջակայքում
Շարունակում է գործել հանրային տրանսպորտը՝ ապահովելու բնականոն կյանքի շարունակականությունը և մարդկանց տեղափոխումը աշխատավայր։

Իտալիա մուտք գործելու սահմանափակումները

Գործնականում Իտալիա կարող են մուտք գործել՝

Իտալիայի քաղաքացիները
Իտալիայի ռեզիդենտ համարվող օտարերկրյա քաղաքացիները
Արգելվում է այլ պետություններում ռեզիդենտ համարվող Իտալիայի քաղաքացիների մուտքը Իտալիա
Ստեղծված իրավիճակով պայմանավորված՝ Իտալիայի տարածք մուտք գործելու համար անհրաժեշտ է ներկայացնել հիմնավոր պատճառներ, որոնք կապված են
աշխատանքային անհրաժեշտությամբ
առողջության շարժառիթներով
խիստ անհրաժեշտության հատուկ դեպքերով

Իտալիա ժամանող բոլոր քաղաքացիները պետք է լրացնեն հատուկ ձևանմուշ և տրամադրեն երկրի սահմանապահ մարմիններին՝ հիմնավորելով երկիր մուտքի անհրաժեշտությունը։

Իտալիա ժամանող բոլոր քաղաքացիները պետք է անցնեն 14-օրյա պարտադիր ինքնամեկուսացում՝ երկիր մուտք գործելու մասին տեղեկացնելով համապատասխան տարածքային առողջապահական մարմնին:

Արտասահմանից ժամանած քաղաքացիները չեն կարող օգտվել հասարակական տրանսպորտից, այլ պետք է ուղեկցվեն նույն հասցեում բնակվող մեկ անձի անձնական տրանսպորտային միջոցով: Եթե քաղաքացին չունի բնակության վայր Իտալիայում կամ հնարավորություն չունի հասնել բնակավայր անձնական միջոցներով, ինքնամեկուսացում անցնում է Քաղպաշտպանության դեպարտամենտի կողմից որոշված վայրում, որի ծախսերը, սակայն, հոգում է քաղաքացին։

Նշված սահմանափակումները խախտելու դեպքում նախատեսված է վարչական և անգամ քրեական պատասխանատվություն COVID-19-ով նախկինում վարակված քաղաքացին պետք է ներկայացնի ապացույց իր առողջ լինելու մասին՝ 24 ժամվա պարբերականությամբ երկու անգամ ենթարկվելով թեստի: Թեստերից մեկի՝ դրական լինելու դեպքում արգելվում է մուտք գործել երկրի տարածք, իսկ խախտման դեպքում նախատեսված է ազատազրկում:

Ավելի մանրամասն տեղեկատվություն կարելի է գտնել հետևյալ հղումներով՝
https://www.esteri.it/mae/it/ministero/normativaonline/decreto-iorestoacasa-domande-frequenti/focus-cittadini-italiani-in-rientro-dall-estero-e-cittadini-stranieri-in-italia.html
http://www.viaggiaresicuri.it/approfondimenti-insights/saluteinviaggio
http://www.mit.gov.it/sites/default/files/media/notizia/2020-03/ORDINANZA.pdf
https://www.interno.gov.it/sites/default/files/allegati/nuovo_modello_autodichiarazione_26.03.2020_editabile.pdf

Վարակի տարածման վտանգով պայմանավորված Սուրբ Աթոռում ՀՀ դեսպանությունը գործում է առցանց ռեժիմով: Դեսպանության հետ 24/7 հասանելիությամբ կապը կարելի է հաստատել․ +39 377 522 67 10 կամ +39 0687655696 հեռախոսների կամ armvaticanembassy@mfa.am Էլ. փոստի միջոցով։

ՀՀ քաղաքացիներին խորհուրդ է տրվում հետևել նաև ՀՀ արտաքին գործերի նախարարության և Իտալիայում ՀՀ դեսպանության կայքի և ֆեյսբուքյան էջի միջոցով պարբերաբար թարմացվող տեղեկատվությանը և հայտարարություններին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր